Centro Público de Entidades Sociais de Carballo
A Fundación Amancio Ortega acorda co Concello de Carballo, en xuño de 2026, a construción e o equipamento dun novo edificio para entidades sociais do municipio e a súa comarca.
O proxecto, para o que a Fundación achega 7,8 millóns de euros, converterase no novo centro de referencia socioasistencial para o tecido asociativo. Situarase nunha parcela de propiedade municipal de 1.620 metros cadrados na rúa Vázquez de Parga de Carballo (A Coruña).
As instalacións están deseñadas para acoller servizos estratéxicos e asistenciais de primeira orde, entre os que destacan un centro de día para persoas enfermas de alzhéimer, o Centro de Información á Muller (CIM) e novas instalacións para diversas entidades que traballan nos ámbitos da prevención de adicións, da exclusión social e da atención a persoas con autismo, entre outras realidades. Contará, ademais, con espazos comúns e salas multiusos para as asociacións locais.
Para lograr os Obxectivos de Desenvolvemento Sostible é fundamental garantir unha vida saudable e promover o benestar universal.
Desde hai tempo recoñécese que para conseguir unha economía robusta necesítanse investimentos en infraestrutura (transporte, regadío, enerxía, tecnoloxía da información e as comunicacións). Estas son fundamentais para lograr un desenvolvemento sostible, empoderar ás sociedades de numerosos países, fomentar unha maior estabilidade social e conseguir cidades máis resistentes ao cambio climático.
Un programa exitoso de desenvolvemento sostible require alianzas entre os gobernos, o sector privado e a sociedade civil. Estas alianzas inclusivas construídas sobre principios e valores, sobre unha visión e metas compartidas, que colocan á xente e ao planeta no centro, son necesarias a nivel global, rexional, nacional e local.