Axenda 2030
A través das súas actuacións, a Fundación Amancio Ortega contribúe ao cumprimento dos Obxectivos de Desenvolvemento Sostible (ODS) aprobados pola Asemblea Xeral das Nacións Unidas.
As actividades da institución inciden de maneira directa no marco de tres ODS, incorporando ao deseño de todos os seus proxectos propios, tanto no ámbito da educación como no benestar social, os obxectivos “Saúde e Benestar” (ODS 3), “Educación de Calidade” (ODS 4) e “Industria, Innovación e Infraestrutura” (ODS 9).
Ademais, nas súas iniciativas en colaboración con outras entidades de ámbito nacional, colabora na consecución dos obxectivos “Fin da Pobreza” (ODS 1) e “Fame Cero” (ODS 2).
De maneira indirecta, as súas actuacións contribúen ao alcance dos obxectivos “Cidades e Comunidades Sostibles” (ODS 11) e “Redución das desigualdades” (ODS 10).
Para atopar máis información sobre a Axenda 2030 e os ODS: https://www.un.org/sustainabledevelopment/es/
