Convenio de colaboración con FESBAL para a renovación da súa infraestrutura de repartimento
En abril de 2023, a Fundación Amancio Ortega e a Federación Española de Bancos de Alimentos (FESBAL) chegaron a un acordo para consolidar a infraestrutura da entidade social ante os novos retos derivados dun contexto socioeconómico marcado pola inflación.
Grazas á colaboración entre ambas as entidades, FESBAL renovará a frota de vehículos de repartimento, actualizará os medios necesarios para un mellor almacenamento de alimentos nos 54 bancos asociados e apoiarase a adquisición de alimentos básicos para atender o maior número posible de beneficiarios.
O sector alimentario e o sector agrícola ofrecen solucións claves para o desenvolvemento e son vitais para a eliminación da fame e a pobreza. Xestionadas de forma adecuada, a agricultura, a silvicultura e a acuicultura poden subministrar comida nutritiva a todo o planeta, así como xerar ingresos decentes, apoiar o desenvolvemento centrado nas persoas do campo e protexer o medio ambiente.
Para lograr os Obxectivos de Desenvolvemento Sostible é fundamental garantir unha vida saudable e promover o benestar universal.
Desde hai tempo recoñécese que para conseguir unha economía robusta necesítanse investimentos en infraestrutura (transporte, regadío, enerxía, tecnoloxía da información e as comunicacións). Estas son fundamentais para lograr un desenvolvemento sostible, empoderar ás sociedades de numerosos países, fomentar unha maior estabilidade social e conseguir cidades máis resistentes ao cambio climático.