Amencer-ASPACE (Centro de Atención Integral de Vigo para persoas con parálise cerebral e trastornos neuromotores)
En abril de 2021 e froito do convenio asinado entre a Fundación Amancio Ortega, o Concello de Vigo e Amencer-ASPACE, presentouse o Centro de Atención Integral para persoas con parálise cerebral e trastornos neuromotores de Bembrive (Vigo).
O centro foi construído e equipado pola Fundación Amancio Ortega cun investimento de 9 millóns de euros. O Concello de Vigo, pola súa banda, cedeu a parcela de solo público de 6.000 m2 sobre a que se sitúan os máis de 2.700 m2 construídos.
As novas instalacións están equipadas con tecnoloxía punta para ofrecer un enfoque integral ás distintas necesidades de rehabilitación requiridas polos usuarios. O edificio alberga:
- un centro de educación especial de ata 60 prazas (10 aulas) para usuarios de 3 a 21 anos
- un centro de recursos para tratamentos rehabilitadores
- un centro de atención temperá, onde Amencer-ASPACE ofrece servizos personalizados de reforzo pedagóxico, rehabilitación logopédica, rehabilitación multisensorial e neurorrehabilitación intensiva, entre outros.
O Centro conta con 80 profesionais (mestres, coidadores, fisioterapeutas, logopedas, terapeutas ocupacionais) especializados no coidado e na atención global destes usuarios, cuxos tratamentos están apoiados en tecnoloxía de última xeración.
Entre o equipamento instalado destaca IM HIROB —o dispositivo de equitación robotizada máis avanzado do mercado, con ata cinco modos de terapia dispoñibles— e unha piscina multisensorial, e outros sistemas como Spidersuit, Lexo, Omego Plus de Tyromotion e Zebris Rehawalk System, capaces de realizar tratamentos, avaliar o usuario, analizar as súas funcións musculares e de movemento e levar a cabo un seguimento dixitalizado da súa evolución. Estes equipos de vangarda achegan unha solución plena para os tratamentos de rehabilitación, desde as fases máis temperás ás de perfeccionamento.
Amencer-ASPACE presta servizo aos seus beneficiarios da provincia de Pontevedra desde 1991 nos seus centros de Pontevedra, Vilagarcía e, a partir de agora, tamén no Centro de Atención Integral de Amencer-ASPACE Vigo en Bembrive.
A educación é a base para mellorar a nosa vida e o desenvolvemento sostible. Ademais de mellorar a calidade de vida das persoas, o acceso á educación inclusiva e equitativa pode axudar a abastecer á poboación local coas ferramentas necesarias para desenvolver solucións innovadoras aos problemas máis grandes do mundo.
Para lograr os Obxectivos de Desenvolvemento Sostible é fundamental garantir unha vida saudable e promover o benestar universal.
A enerxía é fundamental para case todos os grandes desafíos e oportunidades aos que fai fronte o mundo actualmente. Xa sexa para o emprego, a seguridade, o cambio climático, a produción de alimentos ou para aumentar os ingresos. O acceso universal á enerxía é esencial.
Desde hai tempo recoñécese que para conseguir unha economía robusta necesítanse investimentos en infraestrutura (transporte, regadío, enerxía, tecnoloxía da información e as comunicacións). Estas son fundamentais para lograr un desenvolvemento sostible, empoderar ás sociedades de numerosos países, fomentar unha maior estabilidade social e conseguir cidades máis resistentes ao cambio climático.
As cidades son fervedoiros de ideas, comercio, cultura, ciencia, produtividade, desenvolvemento social e moito máis. No mellor dos casos, as cidades permitiron ás persoas progresar social e economicamente. Nos últimos decenios, o mundo experimentou un crecemento urbano sen precedentes. En 2015, preto de 4.000 millóns de persoas vivían en cidades e prevese que ese número aumente ata uns 5.000 millóns para 2030. Necesítase mellorar, por tanto, a planificación e a xestión urbanas para que os espazos urbanos do mundo sexan máis inclusivos, seguros, resilientes e sostibles.