Colaboración co Hospital Nacional de Parapléxicos de Toledo
En novembro de 2025, a Fundación Amancio Ortega e a Xunta de Comunidades de Castela-A Mancha asinaron un acordo de colaboración para o desenvolvemento de proxectos no Hospital Nacional de Parapléxicos de Toledo, centro nacional de referencia para o tratamento de lesións medulares complexas.
Grazas ao acordo, a Fundación achegará 11,24 millóns de euros para financiar proxectos de tratamentos avanzados e innovación científica, que permitirán ao hospital liderar innovacións e establecer estándares en tratamentos avanzados, impulsando o futuro da medicina, a innovación científica e o benestar das persoas con lesións medulares.
Entre os proxectos que se levarán a cabo destacan a adquisición de sistemas robotizadas para tratamento e rehabilitación, proxectos de alta formación para profesionais, novas unidades para investigación científica e un programa de rehabilitación intensivo e personalizado para mellorar a función da man en doentes tetrapléxicos mediante técnicas de estimulación cerebral.
Para lograr os Obxectivos de Desenvolvemento Sostible é fundamental garantir unha vida saudable e promover o benestar universal.
Desde hai tempo recoñécese que para conseguir unha economía robusta necesítanse investimentos en infraestrutura (transporte, regadío, enerxía, tecnoloxía da información e as comunicacións). Estas son fundamentais para lograr un desenvolvemento sostible, empoderar ás sociedades de numerosos países, fomentar unha maior estabilidade social e conseguir cidades máis resistentes ao cambio climático.
A comunidade internacional logrou grandes avances sacando as persoas da pobreza. As nacións máis vulnerables —os países menos adiantados, os países en desenvolvemento sen litoral e os pequenos Estados insulares en desenvolvemento— continúan avanzando no ámbito da redución da pobreza. Con todo, seguen a existir desigualdades e grandes disparidades no acceso aos servizos sanitarios e educativos e a outros bens produtivos.