Construción e equipamento de Centros de Atención Integral a Persoas Maiores
O 13 de setembro de 2019, a Fundación Amancio Ortega asinou un convenio coa Xunta de Galicia para a posta en marcha de sete centros residenciais públicos —Centros de Atención Integral a Persoas Maiores— nas sete principais cidades galegas: A Coruña, Ferrol, Lugo, Ourense, Pontevedra, Santiago de Compostela e Vigo.
A Fundación Amancio Ortega levará a cabo a construción dos sete inmobles, que equipará por completo, para a súa posterior integración na rede pública autonómica de atención a maiores. O investimento estimado pola FAO para o desenvolvemento deste proxecto é de 180 millóns de euros.
En total, os sete centros ofrecerán 900 prazas residenciais: 150 en Vigo e A Coruña e 120 en Ourense, Lugo, Santiago, Pontevedra e Ferrol. Estes centros contarán con servizos innovadores como unidades psicoxeriátricas especializadas no tratamento do Alzheimer e outras patoloxías similares.
Para lograr os Obxectivos de Desenvolvemento Sostible é fundamental garantir unha vida saudable e promover o benestar universal.
A enerxía é fundamental para case todos os grandes desafíos e oportunidades aos que fai fronte o mundo actualmente. Xa sexa para o emprego, a seguridade, o cambio climático, a produción de alimentos ou para aumentar os ingresos. O acceso universal á enerxía é esencial.
Desde hai tempo recoñécese que para conseguir unha economía robusta necesítanse investimentos en infraestrutura (transporte, regadío, enerxía, tecnoloxía da información e as comunicacións). Estas son fundamentais para lograr un desenvolvemento sostible, empoderar ás sociedades de numerosos países, fomentar unha maior estabilidade social e conseguir cidades máis resistentes ao cambio climático.
A comunidade internacional logrou grandes avances sacando as persoas da pobreza. As nacións máis vulnerables —os países menos adiantados, os países en desenvolvemento sen litoral e os pequenos Estados insulares en desenvolvemento— continúan avanzando no ámbito da redución da pobreza. Con todo, seguen a existir desigualdades e grandes disparidades no acceso aos servizos sanitarios e educativos e a outros bens produtivos.
As cidades son fervedoiros de ideas, comercio, cultura, ciencia, produtividade, desenvolvemento social e moito máis. No mellor dos casos, as cidades permitiron ás persoas progresar social e economicamente. Nos últimos decenios, o mundo experimentou un crecemento urbano sen precedentes. En 2015, preto de 4.000 millóns de persoas vivían en cidades e prevese que ese número aumente ata uns 5.000 millóns para 2030. Necesítase mellorar, por tanto, a planificación e a xestión urbanas para que os espazos urbanos do mundo sexan máis inclusivos, seguros, resilientes e sostibles.